थलीमा लेमिनार टायल्सको नयाँ डिलर शोरूम उद्घाटन

काठमाडौँ- नेपालको पहिलो र एकमात्र भिट्रिफाइड टायल्स लेमिनार टायल्सले काठमाडौँमा आफ्नो विशेष डिलर शोरूम सञ्चालनमा ल्याएको छ । काठमाडौँको थलीस्थित सुपर सप्लायर्स प्रालिलाई आधिकारिक डिलरको रूपमा नियुक्त गरी लेमिनार टायल्सले शोरूम उद्घाटन गरेको हो ।

शुक्रबार आयोजित औपचारिक समारोहमा प्रमुख अतिथि खानेपानी, उर्जा तथा सिँचाइ मन्त्री कृष्ण कुमार तामाङ र लेमिनार टायल्सका निर्देशकद्वय श्याम खेतान र आशुतोश खेतानले संयुक्त रूपमा 'एम्पोरियो' श्रेणीअन्तर्गतको डिलर शोरूमको उद्घाटन गरे ।

उद्घाटन समारोहमा बोल्दै निर्देशक श्याम खेतानले लेमिनार टायल्सले देशभर १०० भन्दा बढी विशेष शोरूमहरू स्थापना गर्ने लक्ष्यका साथ अघि बढिरहेको बताए । अर्का निर्देशक आशुतोश खेतानले लेमिनार भिट्रिफाइड टायल्स बलियो र टिकाउ रहेको, यसको लोड बियरिङ क्षमता र ब्रेकिङ स्ट्रेन्थ अरु टायल्सभन्दा बढि रहेको बताए ।

बर्दियाको गुलरियामा १२.५ बिगाह क्षेत्रफलमा अवस्थित अत्याधुनिक युरोपेली प्रविधियुक्त उत्पादन केन्द्रबाट लेमिनार टायल्सको उत्पादन भइरहेको छ । कम्पनीले ५०० भन्दा बढी आकर्षक डिजाइनमा पाँच फरक आकारका टायल्स बजारमा उपलब्ध गराएको छ ।

यी टायल्सहरु पूर्ण भिट्रिफाइड भएकाले ९९.९२ प्रतिशतसम्म वाटरप्रुफ छ र उच्च गुणस्तरको कच्चा पदार्थ तथा उन्नत उत्पादन प्रक्रियाले अन्य सेरामिक टायल्सको तुलनामा चार गुणा बढी टिकाउ छन् ।