बजेट निर्माण प्रक्रियामा नै सुधार गर्नुपर्छ : प्रकाशशरण महत

काठमाडौँ- नेपाली कांग्रेसका प्रवक्ता डा. प्रकाशशरण महतले बजेट निर्माण प्रक्रियामा नै सुधार गर्नुपर्ने बताएका छन् ।

सोमबार संसद भवनमा सञ्चारकर्मीसंग कुरा गर्दै महतले बजेटको न्यायोचित बितरणका लागि बजेट निर्माण प्रक्रियामा नै सुधार गर्नुपर्ने बताएका हुन् । उहाले बजेटमाथिको छलफलमा संशोधन प्रस्ताव परेपनि हुबहु पारित गर्ने परम्परा रहेको जिकिर गरे ।

महतले देशैभरी सांसद र कर्मचारीहरुले सर्वे गरेर सम्बन्धीत जिल्लामा आवश्यक पर्ने कुराहरुको प्राथमिकताको सूची बनाउदै समान ढंगले बजेट बितरण गर्नुपर्नेमा जोड दिए ।  

सरकारले सांसदहरुको सिफारिसमा पनि बजेट बिनियोजन गरेको भन्दै उहाले कतै धेरै र कतै थोरै हुदा गुनासो आउनु स्वभाविक भएको धारणा राखे ।

उनले बजेटका बिषयमा सांसदहरुका गुनासोलाई अर्थमन्त्रीले न्यायोचित जवाफ दिएर चित्तबुझाउन सक्नुपर्ने बताए ।