सत्ताले हाम्रो कुरा सुनेनः प्रवक्ता झा

राष्ट्रिय स्वतन्त्र पार्टीका प्रवक्ता मनिष झाले सत्तापक्षले आफूहरुको कुरा नसुनेकाले सत्तापक्ष सांसदले बोल्दा आफूहरुले सदन बहिष्कार गरेको बताएका छन् ।

आइतबार संसद भवन नयाँ बानेश्वरमा सञ्चारकमीसंग कुरा गर्दै प्रवक्ता झाले विरोधकाबीच आफूहरुले अन्य सवै सांसदको कुरा सुनेको तर सत्तापक्ष सांसदले बोल्न थालेपछि आफुहरुले बैठक बहिष्कार गरेको बताएका हुन् ।

सत्तापक्षले रास्वपाले उठाएका बिषयलाई नसुनेसम्म उनीहरुको कुरा नसुन्ने उनको भनाइ छ । उनले सरकारले दुई तिहाईको दम्भ देखाउदै लुटेर राज्य चलाई रहन्छौं भन्ने किसिमको जवाफ दिइ राखेको उल्लेख गरे । 

उनले सरकारले ल्याएको बजेटप्रति समेत रास्वपाको असन्तुष्टि रहेको बताए ।