भारतको ‘अप्रेशन सिन्दूर’विरूद्ध पाकिस्तानले सुरु गर्‍यो ‘बुनयान-उल-मरसूस’

काठमाडौँ- भारतले एयरबेसमा मिसाइल प्रहार गरेको आरोप लगाउँदै पाकिस्तानले प्रत्याक्रमणको घोषणा गरेको छ । पाकिस्तानले प्रत्याक्रमणको नाम ‘बुनयान-उल-मरसूस’ राखेको छ ।

दिल्लीले तीन पाकिस्तानी एयरबेसमा मिसाइल प्रहार गरेको पाकिस्तानी सेनाको जनसम्पर्क विभागले आरोप लगाएको छ ।

पाकिस्तानको घोषणा लगत्तै भारत प्रशासित कश्मीरको उधमपुरको डिब्बर क्षेत्रमा विस्फोट भएको दाबी गरिएको छ भने त्यस क्षेत्रमा लगातार खतराको साइरन बज्न थालेको छ ।

शुक्रबार साँझ पनि कुपवाडा, करनाह, तंगधार, उरी र पुंछमा रातभर गोलाबारी भएको बताइएको छ ।

भारतले केहि दिनअघि ‘अपरेशन सिन्दूर’ नाम दिएर आक्रमण गरेको थियो ।