हङकङमाथि नेपालको सहज जित, १२ ओभरमै भट्टायो लक्ष्य

काठमाडौँ- आईसीसी यू-१९ विश्वकप एसिया छनोटमा नेपालले हङकङमाथि सहजै जित निकालेको छ । बुधबार मुलपानी क्रिकेट मैदानमा नेपालले हङकङलाई ९ विकेटले हराएको हो ।

टस हारेर पहिले ब्याटिङको निम्तो पाएको हङकङले ४६.२ ओभरमा अलआउट हुँदै ११५ रन बनाएको थियो । हङकङले दिएको ११६ रनको लक्ष्य नेपालले १२.३ ओभरमा एक विकेट मात्र गुमाएर भेट्टायो । 

नेपालका लागि ओपनर साहिल पटेल ४२ रन बनाए । त्यस्तै नरेन भट्ट ३९ रन जोडे भने निरज यादवले २३ रन बनाए ।

त्यसैगरी हङकङका शिव माथुरले सबैभन्दा बढी ६३ रन बनाए । त्यस्तै आर्या पन्जवानीले १३ तथा वीर माथुरले १२ रन बनाए ।

नेपालका युवराज खत्रीले १० ओभरमा ४ विकेट लिए भने विपिनप्रसाद शर्माले ३ विकेट लिए ।

त्यस्तै सन्तोष यादव २ विकेट लिए । अशोक धामीले एक विकेट लिएका छन् ।

नेपालको यो लगातार तेस्रो जित हो ।