कुवेतमाथि नेपालको कीर्तिमानी जित, कुशल र आशिफले बनाए अर्धशतक

काठमाडौँ- हङकङमा जारी चारदेशीय टी-२०आई प्रतियोगितामा नेपालले कुवेतलाई हराएको छ । बिहीबार बिहान भएको खेलमा नेपालले कुवेतलाई ६ विकेटले हराएको हो ।

कुवेतले २० ओभरमा ७ विकेट गुमाएर १८५ रन बनाएको थियो । कुवेतले नेपाललाई दिएको १८६ रनको लक्ष्य ४ विकेटको क्षतिमा ७ बल बाँकी रहँदा भेट्टाएको थियो ।

कुवेतले टस हारेर पहिले ब्याटिङको निम्तो पाएको थियो ।

ओपनर कुशल भूर्तेल र आशिफ शेखले अर्धशतक बनाए । भूर्तेलले ५० बलमा ८१ रन बनाए भने आशिफले ३८ बलमा ५३ रन बनाए ।