प्याब्सनको राष्ट्रिय महाधिवेशन फागुन २६ गतदेखि

फाइल फाेटाे

काठमाडौं - निजी तथा आवासीय विद्यालय अर्गनाइजेशन (प्याब्सन)को १६ औँ राष्ट्रिय महाधिवेशन यही फागुन २६ गतदेखि काठमाडौंमा हुने भएको छ । 

सोमबार काठमाडौंमा पत्रकार सम्मेलन गर्दै प्याब्सनले फागुन २६ र २७ गते १६ औँ राष्ट्रिय महाधिवेशन काठमाडौंमा आयोजना गरेको जानकारी गराएको हो ।

महाधिवेशनमा प्रतिनिधित्व गर्नका निम्ति वैध महाधिवेशन प्रतिनिधिले डिजिटल माध्यमबाट नाम दर्ता गराइसकेको प्याब्सनले जनाएको छ ।

महाधिवेशनले नयाँ नेतृत्व समेत चयन गर्ने अध्यक्ष डीके ढुङ्गानाले जानकारी दिए । उनले महाधिवेशनमा प्रतिनिधि, पर्यवेक्षक, अतिथि गरि करिब दुई हजार सहभागी हुने बताए । 

सम्मेलनको प्रधानमन्त्री केपी शर्मा ओलीले उद्घाटन गर्ने कार्यक्रम तय भएको प्याब्सनले जनाएको छ । महाधिवेशनका क्रममा अग्रजहरूलाई सम्मान गरिने अध्यक्ष ढुङ्गानाले जानकारी दिए।