बीवाइडीले ९२०० गाडी बोक्न सक्ने संसारकै ठूलो 'कार क्यारियर' सार्वजनिक गर्‍यो

काठमाडौँ- चीनको नयाँ ऊर्जा गाडी  निर्माण गर्ने अग्रणी कम्पनी बीवाइडीले ‘बीवाइडी सेनजेन’ सार्वजनिक गरेको छ । जुन संसारकै ठूलो रोल–अन-रोल-अफ कार क्यारियर हो।

यस जहाजले ९,२०० गाडी बोक्न सक्ने क्षमता राख्छ र यो बीवाइडी दिगो यातायात र अन्तर्राष्ट्रिय विस्तारतर्फको महत्त्वपूर्ण कदम हो।चीनको जियाङ्सु प्रान्तको याङझाउमा निर्माण सम्पन्न भएर हालै पानीमा उतारिएको यो २१९ मिटर लामो र ३७.७ मिटर चौडा जहाज एलएनजी अत्याधुनिक ब्याट्री प्याक, र शाफ्ट जेनेरेटरद्वारा संचालित छ।

यी प्रविधिले बीवाइडी सेनजन लाई संसारकै सबैभन्दा वातावरणमैत्री र कुशल कार क्यारियर बनाएको छ।

‘बीवाइडी सेनजेन’ ले बीवाइडीको बढ्दो जहाजहरूको समूहमा स्थान पाएको छ। यसअघि बीवाइडी एक्सपोल्र नम्बर १, बीवाइडी हेफी र बीवाइडी छाङहौ जस्ता जहाजहरुले ७ सय देखि ९२ सय गाडी बोक्ने क्षमता राख्दै अन्तर्राष्ट्रिय बजारमा एनइभी आपूर्ति गरेका थिए । बीवाइडीले सन् २०२६ सम्म आफ्नो ८ पुर्‍याउने योजना राखेको छ । जसले विश्वव्यापी मागको आपूर्ति पुरा गर्ने विश्वास लिएको छ ।“