विडारी र देवकोटाको प्रष्टोक्ति : ओलीले बेइमानी गरे

काठमाडौँ : राष्ट्रिय सभाका सांसदद्वय रामनारायण विडारी र खिमलाल देवकोटाले प्रधानमन्त्री केपी शर्मा ओलीका पछिल्ला कदमहरू असंवैधानिक भएको बताएका छन् । राष्ट्रिय सभाको विशेष समयमा बोल्दै दुबै सांसदले ‌ओलिको विरोध गरे । 

सांसद विडारीले एउटै प्रधानमन्त्रीले दुई पटक प्रतिनिधि सभा विघटन गर्नु अपराध भएको बताए । उनले भने,'दुई-दुई पल्ट विघटन गर्नु भनेको जघन्य राजनीतिक अपराध हो, यस्तो अक्षम्य अपराध संसारका कुनै पनि तानाशाहले गर्दैन ।' 

त्यस्तै सांसद देवकोटाले पनि प्रतिनिधि सभा गर्नु प्रधानमन्त्री ओलीको घात र बेइमानी भएको बताए । उनले भने,'प्रतिनिधि सभा विघटन गर्न पाइँदैन, दलभित्र सहकार्य गर्नुपर्ने थियो ।'