ज्योति विकास बैंक रेबानबीच सम्झौता

काठमाडौँ : ज्योति विकास बैंक र नेपाल रेष्टुरेण्ट तथा बार एशोसिएसन (रेबान) बीच सहकार्यको लागि सम्झौता भएको छ ।  रेबानमा आबद्ध व्यवसायी र त्यस्ता संस्थामा कार्यरत कर्मचारीहरुलाई विभिन्न बैंकिङ्ग सेवा प्रदान गराउने सम्बन्धमा दुई पक्षबीच सम्झौता भएको हो । 

ज्योति विकास बैंकका तर्फबाट बैंकका नायव प्रमुख कार्यकारी अधिकृत पारस राज कंडेल र नेपाल रेष्टुरेण्ट तथा बार एशोसियेसन नेपालका तर्फबाट रेबानका अध्यक्ष अरनिको राजभण्डारीले सम्झौतापत्रमा हस्ताक्षर गरेका छन् । सम्झौता अनुसार बैंकले रेबानमा आबद्ध व्यवसायीहरु तथा त्यस्ता संस्थामा कार्यरत कर्मचारीहरुलाई विशेष छुटमा प्रोफेसनल लोन र १५ लाख रुपैयाँ सम्मको बिना धितो सहुलियतपूर्ण कर्जा प्रदान गर्नेछ । 

ज्योति विकास बैंकले रेबानमा आबद्ध व्यवसायी र त्यस्ता संस्थामा कार्यरत कर्मचारीहरुलाई सहज वित्तिय सेवा प्रदान गर्नुका साथै रेबान अन्तर्गतका व्यवसायीहरुलाई डिजिटल बैंकिङ्ग सेवा प्रदान गर्ने र सहजै सुचारु गरि व्यवसायमा कार्यान्वयनमा ल्याउन सहयोग गर्ने बताइएको छ ।

यस सम्झौता कार्यान्वयनमा आएसँगै रेबानको सञ्जालमा आवद्ध व्यवसायीहरुले डिजिटल भुक्तानीका सेवा आफ्नो व्यवसायमा भित्र्याइ उनीहरूका ग्राहकहरूलाई थप सुविधा उपलब्ध  गराउन सक्ने भएका छन् ।   

ज्योति विकास बैंकले आधुनिक बैंकिङ्ग, वितिय साक्षरता,उद्यमशीलता विकासका निमित्त रेबान संगको सहकार्यमा विभिन्न कार्यक्रमहरु सञ्चालनमा ल्याउने जनाएको छ । बैंकका १०५ शाखा कार्यालय, १ एक्सटेन्सन काउन्टर तथा ६१ एटीएम सञ्चालनमा रहेका छन् ।