डाटाहबद्वारा अब्जेक्ट स्टोरेज सेवा संचालनमा

 डाटाहब प्रा.लि.ले नेपालमा सर्वप्रथम अब्जेक्ट स्टोरेज सेवा संचालनमा ल्याएको छ । यस सेवाले देशभरिका ग्राहकहरुलाई आफ्ना डाटा सजिलै र सुरक्षित रूपले संग्रह गर्न सक्षम बनाउनेछ । यो सेवा विश्वस्तरीय सेक्योरिटी प्रणालीमा आधारित रहेको छ । यसमा कुनै पनि स्थानबाट सजिलै कनेक्ट गर्न सकिने कम्पनीले जनाएकाे छ ।

अब्जेक्ट स्टोरेज सेवा एस थ्री (S3) स्तरिय विदेशी सेवाहरूसँग तुलना गर्दा डाटाहबको सेवा अधिक सुरक्षित, सुलभ र भरपर्दो  हुनेछ ।

ग्राहकहरूले आफ्नो आवश्यकताअनुसार डाटाको परिमाण थप वा घटाउन सक्ने डाटाहब प्रा.लि.का वरिष्ठ व्यवसाय प्रबन्धक बिशाल गौतमले जानकारी दिए ।

डाटाहब प्रा.लि.को आफ्नै डाटा सेन्टर र क्लाउड सेवा इन्फ्रास्ट्रक्चरबाट प्रदान गरिएको यस सेवाले विदेशी मुद्रा संचित गर्ने अवसर मात्र होइन, नेपालमा सूचना प्रविधि क्षेत्रलाई अझ सुरक्षित र विश्वसनीय बनाउनमा समेत योगदान रहनेमा कम्पनी विश्वस्त रहेको छ ।

डाटाहब प्रा.लि.ले विगत १४ वर्षदेखि बैंक, वित्त, बीमा, स्वास्थ्य, शिक्षा, सहकारी र सूचना प्रविधि क्षेत्रका विभिन्न संघसंस्थाहरुलाई डाटा सेन्टर र क्लाउड सेवाहरु प्रदान गर्दै आएको छ । डाटाहबले अझै विश्वस्तरीय साइबर सुरक्षा प्रणालीको साथ उत्कृष्ट र सुरक्षित सेवा प्रदान गर्ने प्रतिबद्धता जनाएको छ ।