एनपिएल - जनकपुर वोल्ट्स र चितवन राइनोज विजयी

काठमाडौँ - राजधानीमा जारी नेपाल प्रिमियर लिग (एनपिएल) अन्तर्गत सोमबार भएको खेलमा जनकपुर वोल्ट्स र चितवन राइनोज विजयी भएका छन् । 

कीर्तिपुरस्थित त्रिवि क्रिकेट मैदानमा भएको खेलमा जनकपुरले कर्णाली याक्स र चितवन राइनोजले काठमाडौँ गुर्खाजलाइ पराजित गरेको हो । चितवन राइनोजले काठमाडौँ गुर्खाजलाई पाँच विकेटले पराजित गरेको हो । 

काठमाडौँ गुर्खाजले जितका लागि प्रस्तुत गरेको एक सय १२ रनको लक्ष्य चितवन राइनोजले १७ दशमलव एक ओभरमा पाँच विकेट गुमाएर पूरा गर्यो । यसअघि टस हारेर पहिला ब्याटिङको निम्तो पाएको काठमाडौँले निर्धारित २० ओभरको खेलमा नौ विकेट गुमाउँदै एक सय ११ रन बनायो ।

त्यस्तै दोश्रो खेलमा जनकपुर वोल्ट्सले कर्णाली याक्सलाई आठ विकेटले पराजित गर्यो । जनकपुर वोल्ट्स आफ्नो दोस्रो खेलमा लगातार विजयी भएको हो । टस जितेर पहिला ब्याटिङ गरेको कर्णाली याक्सले निर्धारित २० ओभरको खेलमा सात विकेट गुमाउँदै एक सय ४१ रन बनायो । एक सय ४२ रनको विजयी लक्ष्य जनकपुर वोल्ट्सले १५ दशमलव एक ओभरमा मात्र दुई विकेट गुमाएर पूरा गयो ।

प्रतियोगिता अन्तर्गत मंगलबार सुदुरपश्चिम रोयल्स र विराटनगर किंस तथा चितवन राइनोज र पोखरा एभेन्जरबीच प्रतिष्पर्धा हुने क्यानले जनाएको