सुनको भाउ बढ्यो, प्रतितोला कतिमा कारोबार हुँदैछ ?

फाइल फोटो

काठमाडौँ- नेपाली बजारमा लगातार दुई दिन घटेको सुनको मूल्य आज बढेको छ। बुधबार छापावाल सुन तोलामा १ लाख ४९ हजार ६ सयमा कारोबार भइरहेको नेपाल सुनचाँदी व्यवसायी महासंघले जनाएको छ। 

चाँदी प्रतितोला १० रुपैयाँले बढेको छ। चाँदी तोलाको १८ सय ३० मा कारोबार भइरहेको छ ।

सोमबार झण्डै १६ हजारले बढेको सुन हिजो मंगलबार २ हजार ७ सयले घटेको थियो । सरकारले सुनको भन्सारमा आधा कटौती गरेपछि घटेको सुनको भाउ भने आज प्रतितोला ९ सयले बढेको हो ।