बारामा हातीको आक्रमणबाट पटेलको मृत्यु

फाइल फोटो

वीरगञ्ज : बारामा शुक्रबार बिहान जंगली हातीको आक्रमणमा परी एक जना किसानको मृत्यु भएको छ । बाराको कलैया उपमहानगरपालिका वडा नम्बर २ अवधापुरका ४५ वर्षीय रामदेव पटेलको हातीको आक्रमणमा परी मृत्यु भएको बाराका प्रहरी प्रवक्ता प्रहरी नायव उपरिक्षक गौतम मिश्रले जानकारी दिए । 

शुक्रबार बिहान करिब ९ बजे खेतमा काम गर्न गएका बेला पटेललाइ हात्तीले आक्रमण गरेको र उपचारका लागि जिल्ला अस्पताल कलैया लैजादै गर्दा उनको मृत्यु भएको मिश्रले जानकारी दिए । जङ्गल क्षेत्रबाट करिब १५ किलोमिटर टाढा सदरमुकाम कलैया नजिक आएर हातीले आक्रमण गरेको प्रहरीले जनाएको छ ।

उक्त हात्ती अहिले गाँउकै छेउछाउमा रहेकाले सतर्क रहन स्थानीयवासीलाई आग्रह गर्दै निकुन्जको टोलीलाई समेत खबर गरिएको प्रहरी नायव उपरिक्षक मिश्रले बताए ।