प्रधानमन्त्री ओलीद्वारा नेपाल संवत्‌को नयाँ वर्षको शुभकामना

फाइल तस्बिर

काठमाडौँ- प्रधानमन्त्री केपी शर्मा ओलीले म्हः पूजा नेवार समुदायको मौलिक र महत्वर्पूण पर्व भएको बताएका छन् ।

नेपाल संवत्‌को नयाँ वर्ष तथा म्हः पूजाको अवसरमा शुभकामना सन्देश दिँदै उनले नेपाल संवत्‌ र म्हः पूजा दुवैको आफ्नै विशेषता रहेको बताएका हुन् । प्रधानमन्त्री ओलीले नेपाल संवत्‌ सुरुवात गर्ने राष्ट्रिय विभूति शङ्खधर साख्वाप्रति सम्मान पनि व्यक्त गरेका छन् ।

प्रधानमन्त्री ओलीले सामाजिक सञ्जाल फेसबुकमा लेखेका छन्– “नेपाल संवत्‌को नयाँ वर्ष, नेपाल संवत्‌ ११४५ को आज पहिलो दिन, यसका सुरुवातकर्ता विभूति शङ्खधर साख्वाप्रति हार्दिक सम्मान, आज नेवार समुदायमा म्हः पूजा गरिन्छ, यसले आफूप्रति गौरवबोध बढाउँछ, नेपाल संवत्‌ ११४५ को अवसरमा स्वदेश तथा विदेशमा रहनुहुने सबैलाई शुभकामना ।”