बालमैत्री अस्पतालमा आगलागी : चार जना घाइते, २२ लाखको क्षति

काठमाडौँ : काठमाडौं महानगरपालिका ४ पानीपोखरीस्थित अन्तर्राष्ट्रिय बालमैत्री अस्पतालमा लागेको आगो नियन्त्रणमा आएको छ । बन्दै गरेको नयाँ भवनमा मंगलबार लागेको आगो सेना, प्रहरी र सशस्त्र प्रहरीको सहयोगमा दमकलले आगो नियन्त्रणमा लिइएको हो ।

बिद्युतीय तार सर्ट भई आगालगी भएको भन्ने अनुमान गरिएको छ । आगलागीमा परी अस्पतालका सुरक्षा गार्ड दुर्गा पौडेल, निर्माण मजदुर नन्दलाल पण्डित, समिता तामाङ्ग र विमला सुनार घाईते भएका छन् । 

घाइते सबैको शिक्षण अस्पतालमा उपचार भइरहेको छ । आगलागीबाट २२ लाख बराबरको क्षति भएको छ ।