सेनाद्वारा बाढी पहिरो प्रभावितको उद्धार र राहत वितरण

काठमाडौँ : नेपाली सेनाले हेलम्बु गाउँपालिकाका पहिरो प्रभावितलाई राहत वितरण गर्ने र जोखिममा रहेकालाई उद्धार गर्ने कामलाई तिव्रता दिएको छ । हेलम्बु गाउँपालिकास्थित किउल ईलाकाका बाढी पहिरो प्रभावित व्यक्तिहरुको लागि स्वास्थ्य उपचार दिलाउने उद्देश्यले प्रादेशिक अस्पताल हेटौडा र नेपाली सेनाको फिल्ड एम्बुलेन्स गुल्मको संयुक्त मेडिकल टोलीले मिति मेडिकल क्याम्प सञ्चालन गरेको छ ।

उक्त मेडिकल क्याम्पबाट ४३ जना बाढीपीडित व्यक्तिहरुलाई औषधि वितरण गरिएको थियो । यस्तै हेलम्बु गाउँपालिका – ७, चनौटे बजार रातो पुल नजिक मेलम्ची खोलाले कटान गरेको स्थानमा ग्याविन जाली भर्ने काम पनि नेपाली सेनाले गरेको छ ।

हेलम्बु गाउँपालिका– ७ महाँकालस्थित श्री महेन्द्र आधारभुत विद्यालयको प्राङ्गणमा बाढी पहिरोबाट प्रभावित व्यक्तिहरुलाई राहत सामग्री वितरण गरेको छ ।