गम्भीर बिष्टको निर्देशनमा समीक्षााको 'के हेरेको टुलुटुल' गीत सार्वजनिक

 काठमाडौँ - गायिका समीक्षा अधिकारीको नयाँ गीत 'के हेरेको टुलुटुलु' सार्वजनिक भएको छ । बुधबार समीक्षा अधिकारीको युट्युब च्यानलबाट गीतको सार्वजनिक भएको हो । 

नेत्र अर्यालले लेखेका शब्दमा संगीत संयोजन खेम सेन्चुरीले गरेका छन्।  बासुरी वादनको जिम्मा रत्ना बीकेले सम्हालेका छन् भने कोरस भोकलमा बिन्दु बीसी र सुनिता लोहनीले योगदान दिएका छन्।

गीतमा नाजिर हुसेन, सलोन बस्नेत, आश्मा विश्वकर्मा र समीक्षाकाे नृत्य र अभिनय छ । उनीहरू सँगै नृत्य गरेको यो पहिलो म्युजिक भिडियो हाे । 

संगीत व्यवस्थापन, मिक्सिङ, र मास्टरिङ श्यामश्वेत रसाइलीले गरेका छन् ।  प्रिज्मा स्टुडियोमा रेकर्ड गरेकाे याे गीतमा रेकर्डिस्टको रुपमा गोविन्द अनेकले काम गरेका छन्। ​

यो म्युजिक भिडियोको निर्देशन गम्भीर विष्टले गरेका छन् । विष्ट पछिल्लो समय म्युजिक भिडियो निर्देशन गर्ने अब्बल निर्देशक मानिन्छन् । नृत्यमार्फत उनले गीतलाई जीवन्त बनाएको देख्न सकिन्छ । 

विष्टले 'नाचौँ नाचौँ', 'गोरखा नेपालमा', 'अरेली काँडैले मलाई च्वास्स' र 'बुट्टे रुमाल' जस्ता चर्चित भिडियोहरू निर्देशन गरेका छन् ।

भिडियोमा अतिथि कलाकार सुरेन्द्र बसेलले दर्शकलाई हँसाएका छन् ।