समयको मागअनुसार संविधान संशाेधन हुन सक्ने - उपप्रधानमन्त्री सिंह

काठमाडौँ - उपप्रधान एवं सहरी विकास मन्त्री प्रकाशमान सिंहले विधि र प्रक्रिया पूरा गरेर समयकाे मागअनुसार संविधान संशाेधन हुन सक्ने बताएका छन् । आज ललितपुरमा किरात राई यायाेक्खा ३७औं स्थापना दिवसकाे अवसरमा आयोजित कार्यक्रमका प्रमुख अतिथि उपप्रधानमन्त्री सिंहले यस्ताे बताएकी हुन्  ।

उनले  संविधान बनाएर मात्र नहुने भन्दै संविधानकाे कार्यान्वयनमा ध्यान दिनुपर्नेमा जाेड दिएका छन्।

`हामीले संविधानसभाबाट जनताले चुनेका प्रतिनिधिबाट संघीय लोकतान्त्रिक गणतन्त्रात्मक संविधान जारी गर्याै । अब संविधानकाे कार्यान्वयनमा ध्यान दिन जरुरी छ ,´ उपप्रधानमन्त्री सिंहले भने । उनले समयकाे माग र जनचाहना बमोजिम संविधानकाे  संशाेधन गर्न सकिने व्यवस्था संविधानले नै गरेकाे भन्दै त्यसका लागि निश्चित विधि र प्रक्रिया पूरा गर्नुपर्ने भन्दै  संविधानकाे मर्म  पनि बुझ्नुपर्ने बताए । 

समाजमा रहेकाे द्वन्द्व मेटिने र सबैकाे पहिचान भेटिने अवस्था बनाउनुपर्नेमा सबैकाे ध्यान जानुपर्नेमा उनले जाेड दिए ।