टी-२० विश्वकपः अमेरिकाले इंग्ल्यान्डको सामना गर्दै

काठमाडौँ- आईसीसी पुरुष टी-ट्वान्टी क्रिकेट विश्वकपअन्तर्गत आज राति अमेरिकाले इंग्ल्यान्डको सामना गर्दै छ ।

सुपर ८ को समूह '२' मा रहेका अमेरिका र इंग्ल्यान्डबीचको खेल नेपाली समयअनुसार राति ८:१५ बजेबाट सुरु हुने तालिका रहेको छ ।

सुपर ८ मा अमेरिका र इंग्ल्यान्डले आ-आफ्नो अन्तिम खेल खेल्दै छ । त्यसैले सेमिफाइनलको सम्भावना कायम राख्न दुवै टोलीका लागि ठूलो अन्तरको जित हात पार्नुपर्ने छ ।

अहिलेको अवस्थामा अमेरिकाले दुवै खेलमा पराजय भोग्दा इंग्ल्यान्डले एक खेलमा जित दर्ता गरेको छ । यसै समूहमा रहेका दक्षिण अफ्रिकाले दुवै खेल जितेको छ भने वेस्ट इन्डिजले एक खेलमा जित हात पारेको छ ।