बाढीमा फसेका ८ बालबालिकाको सशस्त्र प्रहरीद्वारा उद्वार

काठमाडौँ : कपिलवस्तु जिल्लाको बिजयनगर गाउँपालिका १ स्थित मध्यनगरमा अविरल वर्षाको कारण डुबानमा परेकालाई सशस्त्र प्रहरीले उद्धार गरेको छ । अरुवा खोलामा पानीको बहाव बढ्न गई खोलाको बीच भागमा अलपत्र परेका ८ जना बालबालिकाहरुको सशस्त्र प्रहरीले बुधबार सकुशल उद्धार गरेको हो ।

 गाईवस्तु चराउन गएका उनीहरु उक्त खोलको बीच भागमा अलपत्र परेका थिए । लगत्तै सशस्त्र प्रहरी बल नेपाल बोर्डर आउट पोष्ट जवावैराथबाट खटिएको सशस्त्र प्रहरीले उनीहरुलाई सकुशल उद्वार गरेको हो ।
        
यसैगरी पश्चिम नवलपरासी जिल्लाको सुस्ता गाउँपालिका ५ स्थित थारु टोलमा अविरल वर्षाको कारण नारायणी नदिको बहाव बढ्न गई डुवानमा परेका २४ वटा घरबाट खाद्यान्न तथा अन्य सामान सशस्त्र प्रहरीले सुरक्षित स्थानमा सारेको छ ।