मुलुकमा स्थायी रूपमा शान्ति कायम गर्न राजतन्त्र आवश्यक छ : दुर्गा प्रसाईं

ललितपुर- राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंले मुलुकमा स्थायी रुपमा शान्ति कायम गर्न राजतन्त्र आवश्यक रहेको तर्क गरेका छन् ।

शनिबार ललितपुरको लगनखेलमा आयोजित सभालाई सम्बोधन गर्दै प्रसाईंले गणतन्त्रका कारण मुलुकमा स्थायी शान्ति हुन नसकेको भन्दै स्थायी रूपमा शान्ति कायम गर्न राजतन्त्र आवश्यक रहेको तर्क गरेका हुन् । उनले कार्यकारी प्रधानमन्त्री, हिन्दु राष्ट्र, प्रदेश खारेज र राजसंस्थाका विषयमा जनमत संग्रह गर्न चुनौती दिए ।

प्रसाईंले आफूलाई विभिन्न स्थानमा कार्यक्रम गर्न प्रतिबन्ध लगाएको भन्दै प्रतिबन्धको असर आफूलाई नभई लगाउनेलाई नै हुने जिकिर गरे । प्रसाईंले आफूहरूको आन्दोलन नागरिकको गाँस बास र कपासको लागि भएको बताए ।

उनले देश र स्वास्थ्य क्षेत्रलाई समाप्त पार्न तोसिमा कार्कीले डा गोविन्द केसीलाई प्रयोग गरेको आरोप लगाए ।