मुकेश चौरसिया हत्या प्रकरण : मुख्य आरोपी अखिलेश समातिए

जनकपुरधाम : नेपाल कम्युनिस्ट पार्टी (नेकपा)का नेता मुकेश चौरसियाको हत्या प्रकरणमा मुख्य आरोपी भनिएका अशेश्वर भन्ने अखिलेश प्रसाद चौरसियालाई प्रहरीले पक्राउ गरेको छ । पर्साको विन्दवासिनी गाउँपालिकाका नेकपा सचिव चौरसियाको हत्या प्रकारणका फरार मुख्य आरोपी भनिएका विन्दवासिनी गाउँपालिका-३ इटियाही २८ वर्षिय अखिलेशलाई पर्सा प्रहरीले आइतवार विरगञ्ज २५  औलो सिर्सियाबाट पक्राउ गरेको हो ।

घटनापछि फरार रहेका अखिलेशलाई प्रहरीले खोज तलासको क्रममा पक्राउ परेको हो । प्रारम्भिक अनुसन्धान अनुसार मुकेशमाथि बाँसको भाटा प्रहार गर्ने व्यक्ति अखिलेश देखिएको कारण मुख्य आरोपी रहेको कुरा जिल्ला प्रहरी कार्यालय पर्साका प्रवक्ता डिएसपीले मनोजित कुँवरले इकागजलाई बताए ।

गत कात्तिक ६ गते नेकपाको विन्दवासिनी गाउँपालिका कमिटीको शपथ ग्रहण कार्यक्रममा नेकपाका दुई पक्षबीच झडप भएको थियो । विन्दवासिनीको ५ प्रसौनीस्थित सेलर मिलको भवनमा आयोजित कार्यक्रम स्थल बाहिर भएको झडपमा मुकेश चौरसियामाथि आक्रमण भएको छ ।

घटनामा घाइते भएका मुकेशको उपचारको क्रममा विरगञ्जस्थित अस्पतालमा मृत्यु भएको थियो ।

योसँगै चौरसिया हत्या प्रकरणमा चार जना पक्राउ परेको हो । सो घटनामा यसअघि उत्तम तिवारी पवन तिवारी र हमिश मियाँसहितका व्यक्त पक्राउ परिसकेका छन् ।

र यो पनि
- हत्या भएको ८ दिनपछि नेकपा नेता चौरासियाको अन्त्येष्टि
- प्रहरीले एक सातापछि लियो जाहेरी
- राजनीतिमा अपराधीकरण : पूर्वमन्त्री मातृका यादव
- पाँचौँ दिन पनि प्रदर्शन जारी, थप कडा आन्दोलन गर्ने चेतावनी
- कार्यकर्ता हत्याको जाहेरी नलिएपछि नेकपाकै नेताहरू धर्नामा
- नेकपा कार्यकर्ता हत्या प्रकरणमा न्याय माग्दै कांग्रेस
- पर्सा घटनाको अन्तर्य