क्रिकेट विश्वकपः आज दुई खेल हुँदै

काठमाडौँ- भारतमा जारी आईसीसी एकदिवसीय क्रिकेट विश्वकपअन्तर्गत आज दुई खेल हुने तालिका रहेको छ ।

पहिलो खेल अस्ट्रेलिया र न्यूजिल्यान्डबीच हुनेछ । अस्ट्रेलिया र न्यूजिल्यान्डबीचको खेल धरमशालास्थित हिमाचल प्रदेश क्रिकेट एसोसियसन स्टेडियममा नेपाली समयअनुसार विहान १०:४५ बजेबाट सुरु हुनेछ ।

जारी विश्वकपमा न्यूजिल्यान्डले अघिल्ला पाँचमध्ये चार खेलमा जित हात पारेको छ । यता अस्ट्रेलियाले भने तीन खेल जितेको छ ।

अंक तालिकामा ८ अंकसहित न्यूजिल्यान्ड तेस्रो तथा ६ अंकसहित अस्ट्रेलियाले चौँथोँ स्थानमा रहेका छन् ।

आजै कोलकाताको इडेन गार्डेनमा दिउँसो २:१५ बजेबाट नेदरल्यान्ड्स र बंगलादेशबीचको खेल हुनेछ ।