विश्वकप छनोटः ओमान र वेस्ट इन्डिज भिड्दै

काठमाडौँ- जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत आज वेस्ट इन्डिजले ओमानको सामना गर्दैछ ।

सुपर सिक्सअन्तर्गतको वेस्ट इन्डिज र ओमानबीचको खेल हरारे स्पोर्ट्स क्लबमा नेपाली समयअनुसार दिउँसो १२:४५ बजेबाट सुरु हुनेछ ।

वेस्ट इन्डिज र ओमान दुवैको विश्वकप खेल्ने सम्भावना समाप्त भइसकेका कारण यो खेल केवर वरीयताका लागि मात्र महत्वपूर्ण रहनेछ ।

सुपर सिक्समा वेस्ट इन्डिजले पहिलो खेलमै पराजय भोगेको थियो भने ओमानले खेलेका दुवै खेलमा पराजय भोगिसकेको छ ।

विश्वकप छनोटमा ओमान अन्तिम खेल हो । वेस्ट इन्डिजले भने अन्तिम खेल श्रीलंकाविरुद्ध खेल्नेछ ।