इथियोपियामा बन्दूकधारी समूहको आक्रमण, ३४ को मृत्यु

काठमाडौँ : इथियोपियाको पश्चिमी क्षेत्रमा एक यात्रुबाहक बसमा एक बन्दूकधारी ‘आतङ्कवादी’ समूहले आक्रमण गर्दा कम्तीमा ३४ जनाको मृत्यु भएको छ । त्यहाँको राष्ट्रिय मानव अधिकारवादी समूहले उक्त घातक हमलाको भर्षना गरेको छ । इथियोपियामा पछिल्ला दिनहरूमा घातक हमलाहरू लगातार भएका पनि राष्ट्रिय मानबअधिकारवादी संस्थाले उल्लेख गरेको छ । 

'आक्रमणकारी हमलामा मारिनेको सङ्ख्या ३४ रहेको भेटिएको र अन्य कैयौँ मानिस घाइते भएका छन्,' इथियोपियाली मानव अधिकार आयोगले जारी गरेको विज्ञप्तिमा भनिएको छ,'आक्रमण स्थानीय समयअनुसार शनिबार साँझ बेनिसाङ्गुल गुमुज क्षेत्रमा भएको थियो ।' (रासस)