बेलायतको अडान यथावत : ईयूका नागरिक गैरयूरोपेली सरह

काठमाडौँ : यूरोपेली मुलुक बेलायतले यूरोपियन यूनियन (ईयू) बाट आफ्‍नो बहिर्गमन (ब्रेक्जिट) पछिको सम्बन्धका लागि गरिने सम्झौता आधार परिवर्तन नहुने जनाएको छ । ईयूका लागि बेलायतका प्रमुख वार्ताकार डेभिड फ्रस्टले ब्रसेल्समा छलफल गर्नुअघि त्यस्तो बताएका हुन् । 

'हामीले सम्झौताका लागि निरन्तर वार्ता गरिरहेका छौँ । सम्झौताका लागि बेलायतको सार्वभौमसत्‍ता र हाम्रा कानुन, व्यापार र हाम्रो पानी (समूद्र) को अधिकार विपरित हने गरी सम्झौता सम्भव छैन्,' उनले भने, 'यो मैले निरन्तर बताउँदै आएको छु । यसमा परिवर्तन हुन सम्भव छैन ।' उनले आफ्नो इयू समकक्षी मिसेल बार्नियरसँग पनि यो विषयमा छलफल गरे । 

आगामी केही दिन सम्झौताका आधार निर्माणका लागि वार्ता गर्ने प्रसंग महत्वपूर्ण रहेको र वर्षको अन्त्यसम्म बेक्जिट सम्झौतापछिको सङ्क्रमणकालीन अवस्था सकिने भन्दै सहमति निर्माणमा इमानदार हुन जरूरी रहेको बताएको स‌चार माध्यमहरूले जनाएका छन् । सम्झौताका लागि केही प्रगति भए पनि महत्वपूर्ण विषयहरू अझै टुङ्गोमा पुग्न सकेका छैनन् । 

सम्झौताका आधार निर्माणका लागि वार्ता भएपनि  वर्षको अन्त्यसम्म बेक्जिट सम्झौतापछिको सङ्क्रमणकालीन अवस्था सकिने छ । सहमति निर्माणमा इमानदार हुन बेलायतले जनाएको स‌चार माध्यमहरूले उल्लेख गरेका छन् । सम्झौताका लागि केही प्रगति भए पनि महत्वपूर्ण विषयहरू अझै टुंगोमा पुग्न सकेको छैन । 

बेलायतले ईयू राष्ट्रहरूसँगको खुला आवतजावत सम्झौता अन्तत: कानुनी रूपमै खारेज गरिसकेको छ । बेलायतमा युरोपेली मुलुकका नागरिकले स्वतन्त्रतापूर्वक पहिले झै  आउन र काम गर्न पाउँदैनन् । त्यो बिशेषाधिकार अन्त्य गर्ने विधेयक बेलायती संसद्को उपल्लो सदनले नै पारित गरिसक्यो । २०२१ जनावरी १ देखि यूरोपेलीले पनि गैरयूरोपेलीले झैं नै प्रक्रिया पुरा गरेर मात्र बेलायत पस्न पाउँछन् । यद्धपि आयरल्यान्डको हकमा भने पूर्ववत विशेषाधिकार निरन्तर रहनेछ ।