सवारी ज्यान मुद्धाका फरार अभियुक्त नाै वर्षपछि पक्राउ

प्रतिकात्मक तस्वीर

भक्तपुर । सवारी ज्यान मुद्धाका एक फरार अभियुक्त नाै वर्षपछि पक्राउ परेका छन् । नाै वर्षअघि एम्बुलेन्सले ठक्कर दिई दुर्घटना गराई फरार रहेका सिन्धुपाल्चोकको सुनकोशी गाउँपालिका -१का ईमबहादुर कार्कीलाई प्रहरीले पक्राउ गरेको हो ।

२०७० जेठ २७ गते भक्तपुर मध्यपुर ठिमी नगरपालिका वडा नं. १५ चारदोबाटोस्थित ऊँ हस्पिटल एण्ड रिसर्च से न्टर प्रा.लि.को बा. ३ च. ५२७५ नम्बरको एम्बुलेन्सले मोटरसाइकललाई ठक्कर दिँदा मोटरसाइकल चालकको मृत्यु भएको थियो । सो घटनामा कास्कीका शिवशरण रेग्मीको मृत्यु भएको थियो ।

घटनापछि फरार रहेका कार्कीलाई मंगलबार पक्राउ गरिएको जिल्ला प्रहरी परिसर भक्तपुरका प्रहरी नायव उपरीक्षक राजु पाण्डेले जानकारी दिए ।

कार्कीलाई प्रहरी वृत्त ठिमी भक्तपुरमा राखि थप अनुसन्धान भइरहेको छ