लिभरपुलमाथि सिटीको जित

काठमाडौँ - कारबाओ कप फुटबलअन्तर्गत म्यानचेस्टर सिटीले साविक विजेता लिभरपुलमाथि जित हात पारेको छ । चौथों चरणअन्तर्गत इतिहाद स्टेडियममा बिहीबार राति भएको खेलमा सिटीले लिभरपुललाई ३-२ ले पराजित गर्‍यो ।

सिटीको जितमा अर्लिङ हालान्ड, नथन अके तथा रियाद महरेजले एक-एक गोल गरे । लिभरपुलका लागि फाबियो कारभाल्हो र मोहमद सालाहले एक-एक गोल गरे ।

हालान्डले १० औँ मिनेटमा गोल गर्दै सिटीलाई अग्रता दिलाए पनि कारभाल्होले २०औँ मिनेटमा खेललाई बराबरीमा पुर्‍याए ।

महरेजले पुनः ४७ औँ मिनेटमा सिटीलाई अग्रता दिलाए पनि सालाहले ४८औँ मिनेटमा खेललाई २-२ को अवस्थामा पुर्‍याए । तर अकेले ५८औँ मिनेमा गरेको गोलसँगै सिटीले जित हात पार्‍यो ।