सुदूरपश्चिम महोत्सवको उद्घाटन प्रधानमन्त्री देउवाले गर्ने

कैलाली- धनगढीमा यही मंसिर २२ गतेदेखि पौष २ गतेसम्म आयोजना हुन लागेको सुदूरपश्चिम महोत्सवको उद्घाटन प्रधानमन्त्री शेरबहादुर देउवाले गर्ने भएका छ्न् ।

आज आयोजित पत्रकार सम्मेलनमा कैलाली उद्योग वाणिज्य संघका अध्यक्ष पुष्पराज कुवरले महोत्सवको तयारी अन्तिम चरणमा पुगेको बताउँदै महोत्सवको उद्घाटन प्रधानमन्त्री देउवाले गर्ने जानकारी दिएका हुन् ।

'समृद्ध सुदूरपश्चिमका लागि आर्थिक समृद्धि' भन्ने मुल नाराका साथ विगत २०६३ सालदेखि आयोजना हुँदै आएको महोत्सवको लगानी दुई करोडको रहने बताउँदै अध्यक्ष कुंवरले महोत्सवबाट व्यवसायीले ५ देखि ७ करोडको कारोबार गर्ने उल्लेख गरे । 

धनगढी उपमहानगरपालीका–१ पशुपति टोलमा लाग्ने महोत्सवमा सुदूरपश्चिमका स्थानीयदेखि राष्ट्रिय कलाकारहरूको उपस्थिति रहने संघका अध्यक्ष कुँवरले बताए ।