ताप्लेजुङ : १०९ मत गणना हुँदा योगेश भट्टराईलाई ६८ मत

विराटनगर- मंगलबार अपरान्ह साढे ३ बजेदेखि सुरु भएको ताप्लेजुङको मतगणनाको पहिलो रुझानमा नेकपा एमालेका प्रतिनिधिसभा सदस्यका उम्मेदवार योगेश भट्टराईले ६८ मत पाएका छन् ।

१०९ मतको गणना सकिँदा नेकपा माओवादी केन्द्रका खेलप्रसाद बुढाथोकीले ३३ मत प्राप्त गरेका हुन् । बुढाथोकी सत्ता गठबन्धनका उम्मेदवार हुन् । १०९ मत गणना हुँदा ४ मत बदर भएको जनाइएको छ । राप्रपाका रामबहादुर कार्कीले २ र जसपाका चन्द्र मादेनले १ मत प्राप्त गरेका छन् ।

ताप्लेजुङमा फक्तालुङ गाउँपालिका–७ स्थित याङमा र ओलाङचुङगोला मतदान केन्द्रको मतगणना सकिएको जनाइएको छ । याङ्मामा १२ र ओलाङचुङगोलामा ९७ मत खसेको थियो । 

ताप्लेजुङमा कुल मतदाताको ५५ प्रतिशत अर्थात ४८ हजार ३५५ मत खसेको निर्वाचन अधिकारी दिनेश खनालले जानकारी दिएका छन् । जिल्लामा ८८ हजार २८५ मतदाता थिए ।