बौद्धमा २४ वर्षीया युवतीको सामूहिक बलात्कार

सांकेतिक तस्बिर

काठमाडौँ- काठमाडौँमा २४ वर्षीया युवतीमाथि सामूहिक बलात्कार भएको छ । 

ती युवतीलाई बलात्कार गरेको अभियोगमा प्रहरीले चार जनालाई आइतबार पक्राउ गरेको छ । 

पक्राउ पर्नेहरूमा काठमाडौँ महानगरपालिका बस्ने २४ वर्षीय रितेश तामाङ, काठमाडौँ महानगरपालिका–६ बस्ने सिन्धुपाल्चोक मेलम्ची नगरपालिका–२ घर भएका २२ वर्षीय रिन्जेन शेर्पा, सोही महानगरपालिका–६ बौद्ध बस्ने सर्लाही बागमती नगरपालिका–४ घर भएका ३४ वर्षीय उत्तम लामा, बौद्ध बस्ने सिन्धुपाल्चोक भोटेकोशी गाउँपालिका–४ घर भएका लुङ्ता गेस्ट हाउसका संचालक ३४ वर्षीय आङनिमा भन्ने झ्याम्पा ढिल्ले शेर्पा रहेका छन् । 

काठमाडौं महानगरपालिका–६ बौद्धस्थित लुङता गेस्ट हाउसमा ती युवतीलाई आइतबार चार जना पुरुषले बलात्कार गरेको प्रहरीले जनाएको छ । 

प्रहरी वृत्त बौद्धबाट खटिएको प्रहरीले घटनामा संलग्न उनीहरूलाई बौद्धस्थित विभिन्न ठाउँबाट पक्राउ गरेको हो । 

उनीहरू उपर जबरजस्ती करणी सम्बन्धी कसूर मुद्दामा जिल्ला अदालत काठमाडौंबाट ५ दिन म्याद थप अनुमति लिई आवश्यक अनुसन्धान भइरहेको छ ।