दोस्रो टेस्टमा वेष्ट इण्डिजको मध्यम प्रदर्शन

काठमाडौँ : श्रीलंकाविरुद्धको दोस्रो टेस्टमा वेष्ट इण्डिजले मध्यम प्रदर्शन गरेको छ । नर्थ साउण्डमा टस हारेर पहिले ब्याटिङ गरेको वेष्ट इण्डिजले पहिलो दिनको खेल सकिदा ७ विकेट गुमाएर २८७ रन बनाएको हो ।

खराब सुरुवात गरेको उसका लागि कप्तान क्रिग ब्रेथवेट ९९ रनमा नटआउट छन् । यस्तै किल मेयर्सले ४९ रन बनाए । त्यसबाहेक अन्य ब्याट्सम्यानले गतिलो प्रदर्शन गर्न सकेनन् । श्रीलंकाका सुरुंगा लकमालले ३ विकेट लिएका छन् ।

पहिलो टेस्ट बराबरीमा सकिएकाले जारी दोस्रो टेस्ट जित्ने टिमले दुई खेलको सिरिज पनि हात पार्नेछ ।