सेती नदीमा दुई जना बेपत्ता
असोज २०, २०८०
कैलाली- शनिबार सेती नदीमा नुहाउने क्रममा दुई जना बेपत्ता भएका छन् ।
जिल्ला प्रहरी कार्यालय डोटीका अनुसार दिपायल सिलगढी नगरपालिका- ७ पिपल्ला बस्ने ८ वर्षीया खुशी प्रजापति र साढे दुई वर्षका सिद्धार्थ देउवा दीपायलस्थित सेती नदीमा नुहाउने क्रममा बेपत्ता भएका हुन् ।
बेपत्ता दुवै जनाको प्रहरी, सशस्त्र प्रहरी, आफन्त र स्थानीयद्वारा खोजीकार्य भइरहेको प्रहरीले जानकारी दिएको छ ।
