पाँच स्रष्टा सम्मानित

काभ्रे : ‘विष्णुहेम अक्षरमार्ग वरिष्ठ साधक सम्मान’बाट वरिष्ठ साहित्यकार श्रीॐ श्रेष्ठ सम्मानित भएका छन् । आठौँ वार्षिकोत्सवको अवसरमा शनिबार श्रेष्ठलाई सम्मान गरेकाे हाे । 

त्यस्तै वरिष्ठ साहित्यकार तथा प्राध्यापक विष्णु एस राईलाई ‘नरबहादुर अक्षरमार्ग स्रष्टा सम्मान’, बियोगी बुढाथोकीलाई ‘कृष्णसुन अक्षरमार्ग साहित्यिक पत्रकार सम्मान’ , कवि सुरेन्द्र अस्तफललाई ‘कृष्णदास अक्षरमार्ग स्रष्टा सम्मान’ र तारा के.सीलाई ‘अक्षरमार्ग भरतराज काभ्रेली सम्मान’ दिइएकाे हाे । सम्मानित पाँचै जनालाई वरिष्ठ साहित्यकार डा‍. तुलसी भट्टराईले सम्मानपत्र हस्तान्तरण गरेका हुन् ।