गाउँपालिकामा आफैँलाई मत नहाल्ने दुई अनाैठा उम्मेदवार !

काठमाडौं–नवलपरासीको बौदीकाली गाउँपालिकामा अध्यक्षका दुई उम्मेदवारले आफैँले आफूलाई भोट नहालेको पाइएको छ । स्वतन्त्रबाट अध्यक्षमा उम्मेदवारी दिएका मधुकर नेपाली र कृष्ण प्रसाद नेपालीले​ एक मत पनि पाएनन् । 

दुवैले आफैँलाई पनि भोट हालेनन् भने परिवारका सदस्यले पनि उनीहरुलाई भोट दिने कष्ट गरेनन् । सोमबार सकिएको मतगणनामा उक्त गाउँपालिकाको अध्यक्षमा एमालेका प्रकाश ओझा निर्वाचित भएका छन् । उनले ३ हजार ९ सय ७६ मत पाएका छन् । उनका निकटतम प्रतिस्पर्धी कांग्रेसका खडक बहादुर रानाले ३ हजार ५ सय ४१ मत पाएका छन् ।

अधिका‌ंश समयमा उम्मेदवारलाई अरुले भोट नहाने पनि आफैँलाई भने छुटाउँदैनन् । तर, बौदीकाली गाउँपालिका अध्यक्षका  दाबेदार अपवाद बनेका छन् ।