बुटवल उपमहानगरमा मेयरमा कांग्रेस, उपमेयरमा एमाले अगाडि

काठमाडौँ– बुटवल उपमहानगरपालिकाको मेयर पदमा  कांग्रेसले अग्रता कायम गरेको छ । हालसम्मको मत परिणाममा नेपाली कांग्रेसका मेयर उम्मेदवार खेलराज पाण्डेयले २८ सय १३ मत प्राप्त गरेका छन् । उनका प्रतिस्पर्धी नेकपा एमालेका उम्मेदवार बाबुराम भट्टराईले भने १६ सय ३१ मत ल्याएका छन् । 

उपमेयरमा भने एमालेले अग्रता कायम गरेको छ । एमाले उम्मेदवार सावित्रादेवी अर्यालले हालसम्म १४ सय ८२ मत प्राप्त गरेकी छिन् । उनका प्रतिस्पर्धी कांग्रेसका उम्मेदवार चीनबहादुर गुरुङले भने १२ सय ८२ मत प्राप्त गरेका छन् ।