बुटवलमा कांग्रेसका खेलराजको फराकिलो अग्रता

बुटवल - बुटवल उपमहानगरपालिकमा कांग्रेस उम्मेद्वार खेलराज पाण्डेले ११ सयभन्दा बढीको मतान्तर बनाएका छन् । ६ हजार १ सय ४९ मत गणना हुँदा नेपाली कांग्रेसका तर्फबाट मेयर पदका उमेदवार पाण्‍डेले २ हजार ८ सय १३ मत ल्याएका हुन् ।

नेकपा एमालेका बाबुराम भट्टराईले १ हजार ६ सय ३१ मत र राप्रपाका उम्मेदवार मृगेन्द्र शेरचनले ८ सय ३२ मत पुर्‍याएका छन। बुटवलमा ६२ हजार ९ सय मत खसेको छ ।