भरतपुर १ मा दुई सय मत गन्दा रेणु पछिपछि, सुवेदी अघिअघि

फाइल तस्बिर

चितवन- भरतपुर महानगरपालिकामा दुई सय गणना हुँदासम्म एमालेका मेयर उम्मेदवार विजय सुवेदीले ८२ मत प्राप्त गरेका छन् ।

नेकपा माओवादीको तर्फबाट मेयरकी उम्मेदवार रेणु दाहालले ६८ मत ल्याएकी छिन् । जगन्नाथ पौडेलेले २५ मत ल्याएका हुन् ।

हाल महानगरमा वडा १ को मतगणना भइरहेको छ ।

स्थानीय तह सदस्य निर्वाचन अन्तर्गत शुक्रबार सम्पन्न मतदानमा भरतपुर महानगरपालिकाका १ लाख २७ हजार ५६६ जनाले मतदान गरेका छन् ।

महानगरपालिकामा कूल मतदाताको संख्या १ लाख ८५ हजार ७५१ रहेकामा केवल ६८.६७ प्रतिशतले मात्रै मतदान गरेका हुन् ।

भरतपुरमा कुल मतदाताको ६७ प्रतिशत मत खसेको थियो ।