घरपझोङ गाउँपालिका अध्यक्षमा कांग्रेस उम्‍मेदवार विजयी, एमाले उम्‍मेदवार २ मत अन्तरले पराजित

काठमाडौँ- मुस्ताङको घरपझोङ गाउँपालिकाको अध्यक्षमा कांग्रेसका उम्मेदवार मोहनसिं लालचन विजयी भएका छन् । लालचन दुई मतअन्तरले विजयी भएका हुन् । लालचन ७ सय ६० मत ल्याए भने उनका प्रतिद्वन्द्वी नेकपा एमालेका सञ्जयकुमार थकालीले ७ सय ५८ मत ल्याएका छन् ।

त्यसैगरी उपाध्यक्षमा कांग्रेसकै जमुना थापा मगरले ६ सय ९३ मत लिएर विजयी भएकी छन् । उनकी निकटतम प्रतिद्वन्द्वी एमालेकी मीमकुमारी शेरचनले ६ सय १८ मत ल्याएकी छन् ।

उक्त गाउँपालिकामा १ हजार ५ सय ९८ मत खसेको थियो ।