शनिबारबाट चुनावी माइकिङ गर्न बन्द

मकवानपुर – मकवानपुरमा शनिबारदेखि चुनावी माइकिङ गर्न र सार्वजनिक सवारीसाधनमा झण्डा राख्न नपाइने भएको छ ।

जिल्ला प्रशासन कार्यालयमा भएको सर्वदलीय बैठकले चुनावी नारा र गीतसहित गाडी प्रयोग गरी गरिने माइकिङले ध्वनि प्रदुषण गराएको र सर्वसाधारणमा असर परेको भन्दै शनिवारदेखि यसलाई बन्द गर्ने निर्णय गरेको हो ।

सर्वदलीय बैठकमा सभा र भेलामा मात्रै माइक प्रयोग गरेर सम्बोधन गर्न सकिने निर्णय भएको छ । त्ययसैगरी बैठकले सार्वजनिक सवारीसाधनमा झण्डाको प्रयोग गर्न समेत रोक लगाउने निर्णय गरेको छ ।

बैठकमा निर्वाचन आचारसंहिता कडाइका साथ कार्यान्वयन गराउनेबारे छलफल गरिएको बताइएको छ ।  मुख्य निर्वाचन अधिकृतको कार्यालयका अनुसार हालसम्म आचारसंहिता उल्लंघन बारेको ११ वटा उजुरी दर्ता भएका छन् ।