मोर्गन आउट, इंग्ल्यान्डको कप्तानी बटलरले गर्ने

काठमाडौँ : औँलामा लागेको चोटका कारण इंग्ल्यान्डका नियमित कप्तान इयोन मोर्गन भारतसँगको एकदिवसीय सिरिजबाट बाहिरिएका छन् । मोर्गनले चोटका कारण दोस्रो र तेस्रो एकदिवसीय क्रिकेट खेल्न नसक्ने भएका हुन् ।

फिल्डिङका क्रममा मोर्गनको औँलाबाट रगत आउने गरी चोट लागेको थिए । इंग्ल्यान्ड क्रिकेट बोर्डका अनुसार उनले तेस्रो एकदिवसीय क्रिकेट पनि गुमाउनेछन् । मोर्गट सिरिजबाटै आउट भएपछि इंग्ल्यान्डको कप्तानी जोश बटलरले गर्ने भएका छन् । 

विकेटकिपर अलराउण्डर ब्याट्सम्यान बटलरलाई दोस्रो र तेस्रो एकदिवसीयको कप्तान बनाइएको छ । यस्तै चोटकै कारण बलर साम बिलिङ्स पनि टिमबाट बाहिरिएका छन् । पहिलो एकदिवसीय गुमाएको इंग्ल्यान्डका लागि कप्तान समेत बाहिरिदा बाँकी दुई एकदिवसीय जित्न चुनौति थपिएको छ ।