थप १२० जनामा कोभिड-१९ संक्रमण पुष्टि

काठमाडौँ : नेपालमा बिहीबार थप १२० जनामा काभिड–१९ संक्रमण पुष्टि भएको छ । यो संगै नेपालमा संक्रमितको संख्या दुई लाख ७६ हजार ५०९ पुगेको छ । 

त्यस्तै थप ८५ जना संक्रमित निको हुँदा हालसम्म दुई लाख ७२ हजार २७२ जना निको भएको स्वास्थ्य मन्त्रालयले जनाएको छ । नेपालमा गत २४ घण्टामा कुनै संक्रतिको मृत्यु नभएको मन्त्रालयले जानकारी दिएको छ । नेपालमा हालसम्म तीन हजार २० जनाको कोरोनाका कारण मृत्यु भएको छ ।

हाल नेपालमा १२ सय १७ जना आइशोलेशन र ५५ जना क्वारेन्टाइनमा छन् । त्यस्तै २२ लाख ५१ हजार ८८४ वटा पिरिआर गरिएको मन्त्रालयले जनाएको छ ।