सांसदलाई विकासमा केन्द्रित गराउन ओलीले बोलाए संसदीय दलको बैठक

काठमाडौँ : नेकपा एमालेको संसदीय दलको बैठक शुक्रबार बोलाइएको छ । प्रधानमन्त्री तथा अध्यक्ष केपी शर्मा ओलीले शुक्रबार दिउँसो तीन बजे एमाले संसदीय दलको बैठक बालुवाटारमा बोलाएका हुन् ।

एमाले प्रमुख सचेतक विशाल भट्टराईका अनुसार सांसदलाई विकास निर्माणका काममा केन्द्रित हुन निर्देशन दिन बैठक बोलाइएको हो । पछिल्लो राजनीतिक घटनाक्रम र आगामी चुनावका लागि विकास निर्माणका काममा केन्द्रित हुन प्रधानमन्त्री ओलीले सांसदलाई निर्देशन दिने तयारी बैठकको छ ।

शुक्रबार नै एमाले माधवकुमार नेपाल समूहले केन्द्रीय कमिटी बैठक बोलाएको छ । यसअघि एमाले संसदीय दलको बैठक नेपाल समूहले बहिष्कार गरेको थियो ।