५० ओभरको सिरिजका लागि नेपाली टिमको घोषणा

काठमाडौँ – जिम्बावे ए टिमविरुद्ध हुने ५० ओभरको क्रिकेट सिरिजका लागि नेपालले १६ सदस्यीय टिमको घोषणा गरेको छ । नेपाल क्रिकेट संघले सन्दीप लामिछानेको कप्तानीमा टिमको घोषणा गरेको हो ।

टिममा सन्दीप बाहेक आशिफ शेख, देव खनाल, दिपेन्द्र सिंह ऐरी, रोहित पौडेल, आरिफ शेख, विनोद भण्डरी, करण केसी, सोमपाल कामी, कुशल भुर्तेल, सागर ढकाल, विक्रम सोब, किशोर महतो, सुनिल धमला, सुशन भारी र आदिल अन्सारी रहेका छन् ।

नेपालले जिम्बावेविरुद्ध तीन खेलको ५० ओभरको सिरिज त्रिवि मैदानमा खेल्दै छ । पहिलो खेल अप्रिल ३०, दोस्रो मे २ र तेस्रो खेल मे ३ मा हुनेछ ।

नेपालले जिम्बावेविरुद्ध ३ खेलको टी-ट्वान्टी सिरिज पनि खेल्नेछ ।