यस्तो छ दैलेखमा गठबन्धनको बाँडफाँट

सुर्खेत- दैलेखमा गठबन्धन दलले बाँडफाँट गरेकाे छ । नारायण नगरपालिकामा मेयर नेपाली काँग्रेस र उपमेयरमा नेकपा (एकीकृत समाजवादी) ले पाएको छ । दुल्लु नगरपालिकामा मेयर काँग्रेस र उपमेयर नेकपा माओवादीले पाएको छ ।

चामुण्डाविन्द्रासैनी नगरपालिकामा मेयर नेकपा (एकीकृत समाजवादी) र उपमेयर नेपाली काँग्रेसलाई परेको हाे । आठबीस नगरपालिकामा मेयर नेपाली काँग्रेस,उपमेयर नेकपा (माओवादी केन्द्र)लाई भाग लगाइएकाे छ । महाबु गाउँपालिका अध्यक्ष नेकपा (एकीकृत समाजवादी) र उपाध्यक्ष नेपाली काँग्रेसका उम्मेदवार उठाउने भएको छ । यस्तै नौमूले गाउँपालिकामा अध्यक्षमा काँग्रेस र उपाध्यक्षमा नेकपा (एकीकृत समाजवादी), भगवतीमाई गाउँपालिकामा नेकपा (माओवादी केन्द्र) ले अध्यक्ष र काँग्रेसले उपाध्यक्ष पाउने भएका छन् ।

डुङ्गेश्वर गाउँपालिकामा अध्यक्ष काँग्रेस र उपाध्यक्षमा नेकपा (माओवादी केन्द्र)लाई परेको छ । गुराँस गाउँपालिकामा नेपाली काँग्रेसका अध्यक्ष र नेकपा (माओवादी केन्द्र)का उपाध्यक्षलाई उम्मेदवार बनाउने सहमति भएको छ । यस्तै भैरबी गाउँपालिकामा अध्यक्ष नेकपा (एकीकृत समाजवादी) र उपाध्यक्ष काँग्रेसलाई बनाइने भएको छ । ठाटीकाँध गाउँपालिकामा अध्यक्ष नेकपा (माओवादी केन्द्र) र उपाध्यक्ष नेपाली काँग्रेसबाट उम्मेदवार उठाइने भएको छ ।