विकल्प आर्ट सेन्टरले सहकार्यात्मक कला परियोजना गर्दै

काठमाडौं – विकल्प आर्ट सेन्टरले आफ्नो सहकार्यात्मक कला परियोजना ‘रिभिजिटिङ्ग द रुट्स इन अ मोर्डन नुआन्स’को घोषणा गरेको छ । यो कला प्रदर्शनी वैशाख १४ देखि जेठ जेठ १० गतेसम्म काठमाडौं उपत्यकाका विभिन्न चार स्थानमा आयोजना हुँदैछन् ।

क्युरेटर सरोज महतोको संयोजकत्वमा विकल्प आर्ट सेन्टरले कार्यक्रमलाई आयोजना गरेको हो । उक्त कार्यक्रमको ग्राण्ड ओपनिङ्ग वैशाख १४ मा पुल्चोकस्थित विकल्प आर्ट सेन्टरमा हुने आयोजकले जनाएका छन् । साँझ ५ बजे पश्चात विकल्पमा हुने उद्घाटनपछि उपत्यकाका अन्य तीन ठाउँमा पनि प्रदर्शनीको उद्घाटन कार्यक्रम आयोजना हुनेछ ।

इतिहास र परम्परामा आधारित रहेका नेपालका समसामयिक ४५ जना कलाकारहरुको सिर्जनात्मक कामलाई प्रस्तुत हुने छन् । प्रदर्शनीमा पश्चिमा र पूर्वीय कलात्मक संस्कृति, स्थानीय र विश्वव्यापी परम्परा र आधुनिक विषयहरुलाई केन्द्रमा राखिएको आयोजकले जनाएको छ ।

विगत र संस्कृतिको भूमिका आधुनिक कला संस्कृतिमा ककस्तो हुन्छ भन्ने आधार मानिएको यो प्रदर्शनीमा इतिहासलाई सम्बोधन गरिएको शैली, वर्तमान कलाकृति र स्थानीय संस्कृतिसँग त्यसको सम्बन्ध, पहिचानका मुद्दाहरु लगायतका विषयलाई समेटिएको आयोजकले जनाएको छ ।