सीजीको 'हरेक दिन उपहारमा रम्ने, बम्परमा थाइल्याण्ड घुम्ने' नयाँ योजना सार्वजनिक

काठमाडौँ- सीजीले नयाँ वर्ष २०७९ को अवसर पारेर आफ्ना ग्राहकहरूका निम्ति नयाँ उपहार योजना सार्वजनिक गरेको छ। सीजीले साना घरायसी सामानहरूमा हरेक दिन उपहार जित्न सकिने योजना सार्वजनिक गरेको हो। सीजीले 'हरेक दिन उपहारमा रम्ने, बम्परमा थाइल्याण्ड घुम्ने​' उपहार योजना ल्याएको हो।

वैशाख २ गतेबाट सुरू भएको यस उपहार योजना सिमित अवधिका लागि मात्र लागू रहने कम्पनीले जनाएको छ । यस योजना अन्तर्गत लक्की ड्र मार्फत हरेक दिन एकजना भाग्यशालीले सीजीका साना घरायसी सामानहरू उपहार प्राप्त गर्न सक्नेछन् ।

साथै बम्पर उपहारमा जोडीलाई थाइल्यान्ड घुम्न जाने अवसर प्राप्त हुनेछ । लक्की ड्र र बम्पर उपहारमा सहभागी हुनका लागि 'सीजी एसएचए' प्रोडक्टको नाम टाइप गरि आफ्नो  नाम र ठेगाना उल्लेख गरि  ३१००१ मा एएमएस पठाउन पर्ने सीजीले जनाएको छ । लक्की ड्रमा सहभागी सबै प्रतियोगिताहरू बम्पर उपहारका लागि पनि योग्य हुने र यस योजना सीजीका साना घरायसी सामानहरूमा मात्र लागु हुने कम्पनीले जनाएको छ ।