प्रेस युनियन सुनसरीद्वारा एक लाख राशीको पत्रकारिता पुरस्कार स्थापना

काठमाडौं– नेपाल प्रेस युनियन सुनसरी शाखाले एक लाख लाख रासीको गोविन्द–खेमकुमारी स्मृति राष्ट्रिय पत्रकारिता पुरस्कारसहित दुई वटा पुरस्कारको स्थापना गरेको छ ।

पत्रकारिताको माध्यमबाट समाजको विकासमा योगदान पुर्‍याउनेलाई पत्रकारलाई हरेक वर्ष एक लाख एक हजार रुपैयाँ राशी प्रदान गर्ने गरी पुरस्कार स्थापना गरिको हो । त्यसैगरी, सिर्जनशील युवा पत्रकारलाई वार्षिक रुपमा ५१ हजार रुपैयाँ राशी पुरस्कार दिने गरी युवा पत्रकारिता पुरस्कार समेत स्थापना गरिएको प्रेस युनियन सुनसरीका अध्यक्ष पवन अधिकारीले जानकारी दिए ।

पुरस्कारका लागि स्थापना गरिएको अक्षय कोषमा रकम दिने विषयमा घिमिरेका छोरा सुबोध घिमिरे र प्रेस युनियन सुनसरीका अध्यक्ष अधिकारीले शनिबार एक सम्झौता पत्रमा हस्ताक्षर गरे । 

सामाजिक उत्तरदायित्व अन्तर्गत परकारलाई पुरस्कृत गर्नकालागि पुरस्कारका लागि रकम प्रदान गरिनेगरी सम्झौता गरिएको घिमिरेले बताए । ‘पत्रकारिता क्षेत्रले समाजको विकासमा महत्वपूर्ण योगदान पुर्‍याएको छ,’ घिमिरेले भने, ‘सामाजिक उत्तरदायित्व अन्तर्गत व्यवसायबाट केही रकम छुट्टयाएर सहयोग गरेका हौं ।’

युनियनले सुनसरीमा भवन समेत निर्माण गर्ने तयारी गरेको छ । इटहरीका व्यवसायी तथा कांग्रेस नेता रोहित प्रसाईँले भवन निर्माणका लागि जग्गा दिएका छन् । भवन निर्माणको तयारी गरिरको अध्यक्ष अधिकारीले बताए ।