१९ दिनका लागि सशस्त्रका आइजीपीमा पुष्पराज केसी

काठमाडौं– सशस्त्र प्रहरी बलको आइजीपीमा पुष्पराम केसीलाई नियुक्त गर्ने निर्णय भएको छ । आज बसेको मन्त्रिपरिषद्को बैठकले केसीलाई आईजीपी नियुक्त गर्ने निर्णय गरेको नेपाल सरकारका एक मन्त्रीले जानकारी दिए ।

आईजीपी शैलेन्द्र खनाल ३० वर्षे सेवा हदका कारण अवकाशमा गइसकेका छन् । उनले चैत २८ मा अवकाश पाएका हुन् । खनालको अवकाश भएपछि केसीलाई नयाँ आइजीपीमा नियुक्त गरिएको हो ।

नयाँ नियुक्त भएका आइजीपी केसी पनि सेवा अवधिका कारण आउँदो वैशाख १९ मा अवकाश हुँदैछन् । त्यसपछि फेरि सशस्त्र प्रहरीमा नयाँ आइजीपी नियुक्त गरिनुपर्नेछ ।